Sunday, September 12, 2010

ವಿಶ್ವಸಂತತಿ ಎಲ್ಲ ನಿನ್ನ : viSvasaMtati ella ninna


ವಿಶ್ವಸಂತತಿ ಎಲ್ಲ ನಿನ್ನ ಪುಣ್ಯೋದರದ
ಹಸುಗೂಸುಗಳು ಎಂದು ಹಾಲುಣಿಸಿದೆ
ಒಂದೇ ತೊಟ್ಟಿಲೊಳಿಟ್ಟು ತೂಗಿ ಶೋಭನವಾಗಿ
ಪ್ರೇಮ ಸಂಗೀತದೊಳು ಮೈಮರೆಸಿದೆ ||ಪ||

ಸೂರ್ಯಚಂದ್ರರಿಗೆಲ್ಲ ಪ್ರಭೆಯನಿತು ಇರಲಿಲ್ಲ
ನಿನ್ನ ಕೀರ್ತಿಯ ಜ್ಯೋತಿ ಪ್ರಜ್ವಲಿಸಿತು
ಮೇಘಮಂಡಲವೇರಿ ವಿಜಯ ವೀರಧ್ವಜವು
ಸ್ವಾತಂತ್ರ್ಯ ಸಂಭ್ರಮದಿ ಸಂಚರಿಸಿತು ||೧||

ಅಪಮಾನಗಳನಿಂತು ಶತಮಾನ ಸಹಿಸಿರಲು
ಶಕ್ತಿ ಭೈರವಿ ಜನನಿ ತಾಳ್ಮೆಯುಂಟೆ?
ಕ್ಷಮೆಯ ಮೀರದೆ ನೋವು ಶಕ್ತಿಪುತ್ರರು ನಾವು
ಹರಸಿಬಿಡು ತೆರಳುವೆವು ತಡೆವರುಂಟೆ? ||೨||

ಒಮ್ಮತದ ಏಕಪಂಥವ ಹಿಡಿದು ಸಾಗುವೆವು
ಕ್ಷಮಿಸಮ್ಮ ಸೋದರರು ಬಡಿದಾಡೆವು
ಹೊಸ ಜಗದ ನಿರ್ಮಾಣದೀ ಸಂಧಿಕಾಲದಲಿ
ನಿನ್ನ ಘನತೆಗೆ ಕೊರತೆಯಾಗಬಿಡೆವು ||೩||

ಹಸಿರುಡಿಗೆ ಪಸೆದುಟ್ಟು ಸಿರಿಮುಡಿಗೆ ಹೂತೊಟ್ಟು
ಭುವನೇಶ್ವರಿಯೇ, ನೀನು ಮೆರೆಯಬೇಕು
ಶುಭದಿನದ ಹೊಸಬೆಳಕ ಆನಂದ ಶೋಭೆಯಲಿ
ನಿನ್ನ ಶ್ರೀಮುಖ ಒಮ್ಮೆ ನೋಡಬೇಕು ||೪||

viSvasaMtati ella ninna puNyOdarada
hasugUsugaLu eMdu hAluNiside
oMdE toTTiloLiTTu tUgi SOBanavAgi
prEma saMgItadoLu maimareside ||pa||

sUryacaMdrarigella praBeyanitu iralilla
ninna kIrtiya jyOti prajvalisitu
mEGamaMDalavEri vijaya vIradhvajavu
svAtaMtrya saMBramadi saMcarisitu ||1||

apamAnagaLaniMtu SatamAna sahisiralu
Sakti Bairavi janani tALmeyuMTe?
kShameya mIrade nOvu Saktiputraru nAvu
harasibiDu teraLuvevu taDevaruMTe? ||2||

ommatada EkapaMthava hiDidu sAguvevu
kShamisamma sOdararu baDidADevu
hosa jagada nirmANadI saMdhikAladali
ninna Ganatege korateyAgabiDevu ||3||

hasiruDige paseduTTu sirimuDige hUtoTTu
BuvanESvariyE, nInu mereyabEku
SuBadinada hosabeLaka AnaMda SOBeyali
ninna SrImuKa omme nODabEku ||4||

No comments: