ಮಾತೆಪೂಜಕ ನಾನು : maatepUjaka nAnu

ಹಾಡು ಕೇಳಿರಿ Click To Download the Song

ಈ ಹಾಡನ್ನು ಬರಹದಲ್ಲಿ ಪಡೆಯರಿ Click To Download the Lyrics in Baraha

ಮಾತೆಪೂಜಕ ನಾನು ಎನ್ನಯ ಶಿರವನಿಡುವೆನು ಅಡಿಯಲಿ
ನಿನ್ನ ಕೀರ್ತಿಯು ಜಗದಿ ಮೆರೆಯಲಿ ಒಂದೆ ಆಸೆಯು ಮನದಲಿ ||ಪ||

ಎಡರು ತೊಡರುಗಳೆಲ್ಲ ತುಳಿಯುತ ಮುಂದೆ ನುಗ್ಗುವೆ ಭರದಲಿ
ನಿನ್ನ ನಾಮ ನಿನಾದವಾಗಲಿ ಶ್ರಮಿಪೆ ನಾ ಪ್ರತಿ ಕ್ಷಣದಲಿ
ನಿನ್ನ ಗೌರವಕೆದುರು ಬರುವ ಬಲವ ಮುರಿವೆನು ಛಲದಲಿ
ಜಗದ ಜನನಿ ಭಾರತ ಇದ ಕೇಳಿ ನಲಿಯುವೆ ಮನದಲಿ ||೧||

ನಗುತ ನಲಿಯುವ ನಿನ್ನ ವದನವ ನೋಡಿ ನಲಿವುದು ಎನ್ನೆದೆ
ನಿನ್ನ ದುಃಖಿತ ವದನವೀಕ್ಷಿಸೆ ಸಿಡಿವುದೆನ್ನಯ ಹೃದಯವು
ನಿನ್ನ ಮುಖದಲಿ ಗೆಲವು ತರಲು ನೀರುಗೈಯುವೆ ರಕ್ತವ
ಎನ್ನ ಕಣಕಣ ತೇದು ಬಸಿಯುವೆ ಪೂರ್ಣ ಜೀವನಶಕ್ತಿಯ ||೨||

ನಿನ್ನ ತೇಜವ ಜಗವು ನೋಡಲಿ ಉರಿವೆ ದೀಪದ ತೆರದಲಿ
ಎನ್ನ ಶಕ್ತಿಯ ಘೃತವ ಸತತವು ಎರೆಯುತಿರುವೆನು ಭರದಲಿ
ಮಾತೃಮಂದಿರ ಬೆಳಗುತಿರಲಿ ನಾನೇ ನಂದಾ ದೀವಿಗೆ
ಬತ್ತಿ ತೆರದೀ ದೇಹ ಉರಿಯಲಿ ಸಾರ್ಥಕತೆ ಈ ಬಾಳಿಗೆ ||೩||

ರುದ್ರನಾಗಿ ವಿರೋಧಿ ವಿಷವನು ಭರದಿ ನಾನದ ನುಂಗುವೆ
ಜಗವ ಮೆಚ್ಚಿಸಿ ಅದರ ಹೃದಯವ ನಿನ್ನೆಡೆಗೆ ನಾ ಸೆಳೆಯುವೆ
ಸೃಜಿಪೆ ಜಗದಲಿ ನಿನ್ನ ಪೂಜಿಪ ಕೋಟಿ ಕೋಟಿ ಭಕ್ತರ
ಕೀರ್ತಿ ಶಿಖರದಿ ಮಾತೆ ಮಂಡಿಸು ಅರ್ಪಿಸುವೆ ನಾ ಸರ್ವವಾ ||೪||

maatepUjaka nAnu ennaya SiravaniDuvenu aDiyali
ninna kIrtiyu jagadi mereyali oMde Aseyu manadali ||pa||

eDaru toDarugaLella tuLiyuta muMde nugguve Baradali
ninna nAma ninAdavAgali Sramipe nA prati kShaNadali
ninna gouravakeduru baruva balava murivenu Caladali
jagada janani BArata ida kELi naliyuve manadali ||1||

naguta naliyuva ninna vadanava nODi nalivudu ennede
ninna duHKita vadanavIkShise siDivudennaya hRudayavu
ninna muKadali gelavu taralu nIrugaiyuve raktava
enna kaNakaNa tEdu basiyuve pUrNa jIvanaSaktiya ||2||

ninna tEjava jagavu nODali urive dIpada teradali
enna Saktiya GRutava satatavu ereyutiruvenu Baradali
mAtRumaMdira beLagutirali nAnE naMdA dIvige
batti teradI dEha uriyali sArthakate I bALige ||3||

rudranAgi virOdhi viShavanu Baradi nAnada nuMguve
jagava meccisi adara hRudayava ninneDege nA seLeyuve
sRujipe jagadali ninna pUjipa kOTi kOTi Baktara
kIrti SiKaradi mAte maMDisu arpisuve nA sarvavA ||4||