ಕರವ ಜೋಡಿಸಬನ್ನಿ : karava jODisabanni

ಹಾಡು ಕೇಳಿರಿ Click To Download the Song

ಈ ಹಾಡನ್ನು ಬರಹದಲ್ಲಿ ಪಡೆಯರಿ Click To Download the Lyrics in Baraha

ಕರವ ಜೋಡಿಸಬನ್ನಿ ಈ ರಾಷ್ಟ್ರಕಾರ್ಯದಲಿ
ಸ್ವರವ ಕೂಡಿಸಬನ್ನಿ ಒಕ್ಕೊರಲ ಘೋಷದಲಿ
ನವಯುಗದ ನಿರ್ಮಾಣ ಗೈವ ಶುಭ ಆಶಯಕೆ
ಆಕೃತಿಯ ಮೂಡಿಸಲು ಜಾಗೃತಿಯ ಸಾಧಿಸಲು ||ಪ||

ಉತ್ತುಂಗ ಸಂಸ್ಕೃತಿಯ ವಾರಿಸಿಕೆ ಎಮಗಿಹುದು
ತಾಯ್ನೆಲದ ಉನ್ನತಿಯ ಆದರ್ಶ ಗುರಿಯಿಹುದು
ಕಷ್ಟಗಳನೆದುರಿಸುವ ಕೆಚ್ಚೆದೆಯ ಬಲವಿಹುದು
ವೈರಿಗಳ ವ್ಯೂಹಗಳ ಭೇದಿಸುವ ಛಲವಿಹುದು ||೧||

ದಮನ ನಿರ್ಬಂಧಗಳ ಅಂಜಿಕೆಯು ನಮಗಿಲ್ಲ
ಆಳುವರಸರ ಕೃಪೆಯ ಆಸರೆಯ ಹಂಗಿಲ್ಲ
ಕಠಿಣ ಅಗ್ನಿ ಪರೀಕ್ಷೆಗಳ ಗೆದ್ದು ಬಂದಿಹೆವು
ಮರಣ ಕೂಪದಿ ಧುಮುಕಿ ಮೇಲೆದ್ದು ಬಂದಿಹೆವು ||೨||

ಕಾಶ್ಮೀರದಾ ಕೂಗು ನಿಮಗೆ ಕೇಳಿಸದೇನು?
ತಾಯೊಡಲ ತಳಮಳವು ಮನವ ಬಾಧಿಸದೇನು?
ಮೆರೆಯುತಿರೆ ಎಲ್ಲೆಲ್ಲೂ ದ್ರೋಹ ವಿಚ್ಛಿದ್ರತೆಯು
ಮೈಮರೆತು ಮಲಗಿದರೆ ಎಲ್ಲಿಹುದು ಭದ್ರತೆಯು? ||೩||

ನೀವು ಕಿವಿಗೊಡಬೇಡಿ ಸ್ವಾರ್ಥಿಗಳ ನುಡಿಗಳಿಗೆ
ಆಜ್ಯವನು ಎರೆಯದಿರಿ ಕುಟಿಲತೆಯ ಕಿಡಿಗಳಿಗೆ
ಸಹಕರಿಸಿ ಬೋಧನೆಗೆ ಬಲವೀವ ಸಾಧನೆಗೆ
ಹಿಂದು ರಾಷ್ಟ್ರೀಯತೆ ಪ್ರಬಲ ಪ್ರತಿಪಾದನೆಗೆ |೪||

karava jODisabanni I rAShTrakAryadali
svarava kUDisabanni okkorala GOShadali
navayugada nirmANa gaiva SuBa ASayake
AkRutiya mUDisalu jAgRutiya sAdhisalu ||pa||

uttuMga saMskRutiya vArisike emagihudu
tAynelada unnatiya AdarSa guriyihudu
kaShTagaLanedurisuva keccedeya balavihudu
vairigaLa vyUhagaLa BEdisuva Calavihudu ||1||

damana nirbaMdhagaLa aMjikeyu namagilla
ALuvarasara kRupeya Asareya haMgilla
kaThiNa agni parIkShegaLa geddu baMdihevu
maraNa kUpadi dhumuki mEleddu baMdihevu ||2||

kASmIradA kUgu nimage kELisadEnu?
tAyoDala taLamaLavu manava bAdhisadEnu?
mereyutire ellellU drOha vicCidrateyu
maimaretu malagidare ellihudu Badrateyu? ||3||

nIvu kivigoDabEDi svArthigaLa nuDigaLige
Ajyavanu ereyadiri kuTilateya kiDigaLige
sahakarisi bOdhanege balavIva sAdhanege
hiMdu rAShTrIyate prabala pratipAdanege |4||