ಸೇವೆಯೆಂಬ ಯಜ್ಞದಲ್ಲಿ : sEveyeMba yajnadalli

ಹಾಡು ಕೇಳಿರಿ Click To Download the Song

ಈ ಹಾಡನ್ನು ಬರಹದಲ್ಲಿ ಪಡೆಯರಿ Click To Download the Lyrics in Baraha

ಸೇವೆಯೆಂಬ ಯಜ್ಞದಲ್ಲಿ ಸಮಿಧೆಯಂಥೆ ಉರಿಯುವಾ
ಧ್ಯೇಯ ಮಹಾಜಲಧಿಯೆಡೆಗೆ ಸಲಿಲವಾಗಿ ಹರಿಯುವಾ
ಲೋಕಹಿತದ ಕಾಯಕ ನಾಡಿಗಭಯದಾಯಕ
ವ್ಯಕ್ತಿವ್ಯಕ್ತಿಯಾಗಬೇಕು ನೈಜ ರಾಷ್ಟ್ರಸೇವಕ ||ಪ||

ಉಚ್ಚನೀಚ ಭೇದವ ಅಳಿಸಿದೂರಗೊಳಿಸುವಾ
ರೊಚ್ಚುರೋಷ ನೀಗುತಾ ಬಂಧುಭಾವ ಬೆಳೆಸುವಾ
ಹಚ್ಚಿ ಜ್ಞಾನದೀವಿಗೆ ಸುತ್ತ ಬೆಳಕ ಬೀರುವಾ
ಕೆಚ್ಚಿನಿಂದ ಮುಂದೆ ಸಾಗಿ ಭರದಿ ಗುರಿಯ ಸೇರುವಾ ||೧||

ಎಲೆಯ ಮರೆಯೊಳರಲಿ ನಗುವ ಸುಮನರಾಶಿಯಂದದಿ
ಕಡಲ ಒಡಲೊಳುಕ್ಕಿ ಮೊರೆವ ಕೋಟಿ ಅಲೆಗಳಂದದಿ
ವಿಮುಖರಾಗಿ ಖ್ಯಾತಿಗೆ ಪ್ರಚಾರಕೆ ಪ್ರಶಂಸೆಗೆ
ಸಹಜಭಾವದಿಂದ ಧುಮುಕಿ ಬನ್ನಿ ಕಾರ್ಯಕ್ಷೇತ್ರಕೆ ||೨||

ದೀನದಲಿತ ಸೇವೆಯೆ ಪರಮ ಆರಾಧನೆ
ಸಾಕು ಬರಿಯ ಬೋಧನೆ ಬೇಕು ಹಿರಿಯ ಸಾಧನೆ
ದಿಟದಿ ನಾವು ಅಳಿಸಬೇಕು ನುಡಿಯ ನಡೆಯ ಅಂತರ
ರಚಿಸಬೇಕು ನವಸಮಾಜ ಸರ್ವಾಂಗಸುಂದರ ||೩||

sEveyeMba yaj~jadalli samidheyaMthe uriyuvaa
dhyEya mahAjaladhiyeDege salilavAgi hariyuvA
lOkahitada kAyaka naaDigaBayadAyaka
vyaktivyaktiyAgabEku naija rAShTrasEvaka ||pa||

uccanIca bhEdava aLisidUragoLisuvA
roccurOSha nIgutA baMdhuBAva beLesuvA
hacci j~jAnadIvige sutta beLaka bIruvA
kecciniMda muMde sAgi bharadi guriya sEruvA ||1||

eleya mareyoLarali naguva sumanaraaSiyaMdadi
kaDala oDaloLukki moreva kOTi alegaLaMdadi
vimuKarAgi KyAtige pracArake praSaMsege
sahajaBAvadiMda dhumuki banni kAryakShEtrake ||2||

dInadalita sEveye parama ArAdhane
sAku bariya bOdhane bEku hiriya sAdhane
diTadi nAvu aLisabEku nuDiya naDeya aMtara
racisabEku navasamAja sarvAMgasuMdara ||3||