Monday, January 25, 2010

ಓ ದಾರಿಗನೇ ಪ್ರಿಯ ನೇಹಿಗನೇ : O dAriganE


ಓ ದಾರಿಗನೇ ಪ್ರಿಯ ನೇಹಿಗನೇ
ಗೈಯುವ ಬಾ ನವಯುಗ ನಿರ್ಮಾಣ
ಸಮಾಜದೇವತೆಗರ್ಪಿತವಾಗಲಿ
ನಮ್ಮೆಲ್ಲ ತನು ಮನ ಧನ ಪ್ರಾಣ ||ಪ||

ಹಿಡಿಕೂಳಿನ ಬರಿಗೋಳಿನ ಬಾಳಿಗೆ
ಮಾರುವೆಯಾ ತನುಮನವನು ಗೆಳೆಯಾ
ಪಶುಬಲದಿದಿರಿಗೆ ಅಡಿಯಾಳಾಗುತ
ಮರೆಯುವೆಯಾ ಮಾನವ್ಯದ ಗುರಿಯಾ? ||೧||

ಭ್ರಮೆಯನು ಕೊಡವಿಕೊ ಕಣ್ತೆರೆದರಿತುಕೊ
ಮಾನವ ಜೀವನದನಂತ ಮಹಿಮೆ
ಬಿಸಿಯಾರುವ ಮೊದಲೇ ಜಗವರಿಯಲಿ
ನಿನ್ನಯ ಪವಿತ್ರ ರಕ್ತದ ಹಿರಿಮೆ ||೨||

ಇಚ್ಚಾಶಕ್ತಿಯು ಭೂಮವನಪ್ಪಲಿ
ಮೋಹದ ಭೋಗದ ಕನಸನು ಮುರಿದು
ಹೃದಯದ ಹಕ್ಕಿಯು ಆಗಸವಾಳಲಿ
ಸೋಗಿನ ಸೊಬಗಿನ ಪೊರೆಯನು ಹರಿದು ||೩||

ಬಾಳೆಲ್ಲವು ಮುಡುಪಾಗಿಡು ವೀರನೆ
ದಿನದಿನವೂ ಹೊಸ ಹೊಸ ಸಾಹಸಕೆ
ಧ್ಯೇಯದ ಆ ಆನಂದದಿ ವಿಹರಿಸು
ಹರಡಲಿ ಚಿರಕೀರ್ತಿಯು ಯುಗ ಯುಗಕೆ ||೪||

O dAriganE priya nEhiganE
gaiyuva bA navayuga nirmANa
samAjadEvategarpitavAgali
nammella tanu mana dhana prANa ||pa||

hiDikULina barigOLina bALige
mAruveyA tanumanavanu geLeyA
paSubaladidirige aDiyALAguta
mareyuveyA mAnavyada guriyA? ||1||

Brameyanu koDaviko kaNteredarituko
mAnava jIvanadanaMta mahime
bisiyAruva modalE jagavariyali
ninnaya pavitra raktada hirime ||2||

iccASaktiyu BUmavanappali
mOhada BOgada kanasanu muridu
hRudayada hakkiyu AgasavALali
sOgina sobagina poreyanu haridu ||3||

bALellavu muDupAgiDu vIrane
dinadinavU hosa hosa sAhasake
dhyEyada A AnaMdadi viharisu
haraDali cirakIrtiyu yuga yugake ||4||

1 comment:

Sun-SunLight-Earth-MoonLight-Moon : Being Complementary and Together. said...

ಇದರ ರಾಗ ರಚನೆಯ ಲಿಪಿ ಇದೆಯೇ